नेकपा एकीकृत समाजवादी र वामदेव गौतम नेतृत्वको अभियानबीच पार्टी एकता सहमति
खालीपाना न्युजडेस्क | १ वर्ष अगाडिनेकपा (एकीकृत समाजवादी) र वामदेव गौतम नेतृत्वको नेकपा एकता राष्ट्रिय अभियानबीच पार्टी एकता गर्ने औपचारिक सहमति भएको छ।
शुक्रबार दुबै पक्षका शीर्ष नेताहरू—अध्यक्ष माधवकुमार नेपाल र अध्यक्ष वामदेव गौतम—ले एकता सहमति पत्रमा हस्ताक्षर गरेका हुन्। एकीकृत समाजवादीका उपाध्यक्ष गंगालाल तुलाधरका अनुसार आलोकनगरस्थित पार्टीको केन्द्रीय कार्यालयमा उक्त सहमति भएको हो।
“हालका लागि पार्टी एकताको सहमतिमा हस्ताक्षर भएको छ, अन्य विषयमा छलफल हुँदै जानेछ,” उपाध्यक्ष तुलाधरले जानकारी दिएका छन्।
दुवै पार्टीबीचको औपचारिक एकता घोषणा साउन २ गते गर्ने सहमति समेत भएको छ।
हस्ताक्षरित सहमतिपत्रमा उल्लेख गरिएअनुसार, राजनीतिक दर्शन, सिद्धान्त, कार्यक्रम, रणनीति र कार्यदिशामा समानता रहेकाले नेपालका कम्युनिस्ट आन्दोलनलाई एकीकृत र बलियो बनाउन यी दुई शक्तिबीच एकता आवश्यक ठहर गर्दै अभियानलाई नेकपा (एकीकृत समाजवादी) मा समाहित गरिने सहमति गरिएको छ।
ट्रेण्डिङ समाचार
-
१
-
२
-
३
-
४
-
५
-
६
ताजा समाचार
-
१
-
२
-
३
-
४
-
५
-
६
