सशस्त्र प्रहरी बलका महानिरीक्षक (आईजी) राजु अर्यालले हालै पदोन्नती भएका गणेश बहादुर ठाडा मगरलाई अतिरिक्त महानिरीक्षक (एआईजी)को दर्ज्यानी चिह्न प्रदान गरेका छन्।
मन्त्रिपरिषद्को असार २ गतेको निर्णयअनुसार ठाडा मगर सशस्त्र प्रहरी नायव महानिरीक्षकबाट एआईजी पदमा पदोन्नती भएका थिए। त्यसैको औपचारिकतास्वरूप आईजी अर्यालले बुधबार आयोजित कार्यक्रममार्फत उनलाई दर्ज्यानी चिह्न लगाइदिएको सशस्त्र प्रहरी बलले जानकारी दिएको छ।