संक्रमणकालीन न्यायसहितका समसामयिक राजनीतिक विषयहरूमा छलफल गर्न प्रधानमन्त्री केपी शर्मा ओलीसहित तीन प्रमुख दलका शीर्ष नेताहरू शुक्रबार सिंहदरबारमा जुटेका छन्।
प्रधानमन्त्री तथा मन्त्रिपरिषद्को कार्यालयमा बसेको बैठकमा नेकपा (एमाले) अध्यक्ष एवं प्रधानमन्त्री ओली, नेपाली कांग्रेसका सभापति शेरबहादुर देउवा र माओवादी केन्द्रका अध्यक्ष पुष्पकमल दाहाल ‘प्रचण्ड’ सहभागी भएका थिए।
बैठकमा संक्रमणकालीन न्यायको निष्कर्ष, विधेयक पारित प्रक्रिया, संसदको गतिरोध, बजेट बहस र दलहरूबीचको सहकार्यका विषयमा छलफल केन्द्रित भएको बताइएको छ।
राजनीतिक संवादलाई सक्रिय बनाउन र साझा समझदारी निर्माण गर्न यस्ता बैठकहरू आवश्यक भएको नेताहरूको धारणा रहेको स्रोतहरूले जनाएका छन्।
