नागरिकता संशोधन विधेयकमा दफावार छलफल सुरु

नेपाल नागरिकता ऐन, २०६३ संशोधन गर्न प्रस्ताव गरिएको विधेयकमाथि प्रतिनिधि सभा अन्तर्गतको राज्य व्यवस्था तथा सुशासन समितिमा दफावार छलफल सुरु भएको छ।

समितिले बिहीबारदेखि संशोधन प्रस्तावहरुमाथि छलफल अघि बढाएको हो। हाल संशोधन प्रस्ताव ल्याउने सांसदहरूसँग समितिले छलफल जारी राखेको छ।

गृहमन्त्री रमेश लेखकद्वारा १५ माघ २०८१ मा प्रतिनिधि सभामा दर्ता गरिएको यो विधेयक पछि दफावार छलफलका लागि सोही समितिमा पठाइएको हो।

छलफल प्रक्रियाअघि बुधबार समितिमा विधेयकको सैद्धान्तिक पक्षमा बहस भएको थियो भने बिहीबारदेखि विस्तृत दफावार छलफल औपचारिक रूपमा आरम्भ गरिएको हो।