अन्तर्राष्ट्रिय शिक्षा यात्राको नयाँ ढोका, एचसी आरसी एजुकेशन हबको नयाँ शाखा बानेश्वरमा

काठमाडौं। विद्यार्थीहरूलाई लक्षित गर्दै विभिन्न शैक्षिक सेवा तथा परामर्श प्रदान गर्दै आएको एचसी आरसी एजुकेशन हबले नयाँ कार्यालय विस्तार गरेको छ।

आज आइतबार नयाँ बानेश्वरस्थित नयाँ शाखाको औपचारिक उद्घाटन गरिएको हो। केन्द्रका अध्यक्ष रोशनी तिमल्सिनाका अनुसार, विदेशमा उच्च शिक्षाका लागि जान चाहने विद्यार्थीहरूलाई उचित परामर्श, मार्गदर्शन र आवश्यक सहजीकरण प्रदान गर्नु यस संस्थाको मुख्य उद्देश्य हो।

उक्त संस्था ललितपुरको कुमारीपाटीमा झण्डै तीन वर्षदेखि सेवा दिँदै आएको छ। संस्थापक संजीव बस्नेतका अनुसार, एचसी आरसी एजुकेशन हबले जापान, अष्ट्रेलिया, बेलायत, क्यानडा, अमेरिका, युरोप लगायतका देशमा अध्ययन गर्न चाहने विद्यार्थीहरूलाई IELTS, PTE, जापानी भाषा, SAT लगायतका तयारी कक्षाहरु सञ्चालन गर्दै आएको छ।

“हामीले छोटो अवधिमा करिब ३ सयभन्दा बढी विद्यार्थीहरूलाई विभिन्न देशमा पठाइसकेका छौं,” बस्नेतले बताए।

विद्यार्थीहरूबीच विश्वसनीयता बनाउँदै आएको एचसी आरसी एजुकेशन हबले अन्तर्राष्ट्रिय शिक्षा क्षेत्रमा गुणस्तरीय सेवा उपलब्ध गराउँदै आइरहेको छ।