नेपाली कांग्रेसका मुख्य सचेतक श्यामकुमार घिमिरेले देशमा केही पनि भइरहेको छैन भन्ने नकारात्मक भाष्य निर्माण नगर्न आग्रह गर्नुभएको छ ।
आइतबार प्रतिनिधिसभा बैठकको बिशेष समयमा घिमिरेले मुलुक शान्ति प्रक्रियामा आएपछिको १९ वर्षमा नेपाली समाजको परिवर्तन र जनताको जीवनस्तर उकासिएको भन्दै देशमा केही पनि भइरहेको छैन भन्ने नकारात्मक भाष्य निर्माण नगर्न आग्रह गर्नुभएको हो
उहाले मुलुकमा प्राप्त उपलब्धि र सकारात्मक परिवर्तनलाई ढाकछोप गरेर भ्रम सिर्जना नगर्न बिपक्षी दललाई आग्रह गर्नुभयो । घिमिरेले मुलुक संघीयतामा गइसकेपछि देश विकास र सुशासन प्रवद्र्धन भई जनतामा आशा र विश्वास पैदा भएको दावी गर्नुभयो
उहाले हरेक बर्ष लाखौ युवाहरु विदेशीएको बिषय उठान हुने गरेपनि मुलुकमा १५ अर्बभन्दा बढी रेमिट्यान्स भित्र्याउनेलाई बेवास्ता गर्न नमिल्ने बताउनुभयो ।>उहाले मुलुकको बिकासका लागि पूर्वाधार बिकासमा लगानी गर्न आवश्यक रहेको उल्लेख गर्नुभयो ।