कांग्रेसले ओली सरकारलाई नीतिगत नेतृत्व दिन्छ: कृष्ण सिटौला

पौष १२ ।  काठमाण्डौ । नेपाली कांग्रेसका नेता कृष्ण सिटौलाले वर्तमान सरकारलाई नीतिगत नेतृत्व कांग्रेसले नै दिनुपर्ने बताउनुभएको छ । शुक्रबार काठमाडौंमा आयोजित कांग्रेस काठमाडौं क्षेत्र नंवर ४ को दोश्रो भेलामा बोल्दै सिटौलाले अहिले सरकारको नेतृत्व केपी ओलीले गरेपनि पहिलो पार्टी र बिभिन्न परिवर्तनमा खेलेको भूमिकाका आधारमा कांग्रेसले नै सरकारलाई नीतिगत नेतृत्व दिनुपर्ने बताउनुभएको हो । कांग्रेसकै नेतृत्वमा तीनै तहका सरकारलाई जनताप्रति अधिकतम काम गर्ने अवस्था सिर्जना गर्न सक्नुपर्ने उहाले बताउनुभयो ।

सिटौलाले पार्टी र सरकारबीच समझदारी नहुदा मुलुकमा धेरै दुर्घटना भएकाले अव पार्टी र सरकारबीचमा राम्रो समझदारी हुनुपर्छ भन्नेमा पार्टी स्पष्ट रहेको धारणा राख्नुभयो ।

उहाले संविधान कार्यान्वयनको गहन ढंगले समिक्षा गरेर मात्रै संशोधनको प्रक्रिया अघि बढाउनुपर्नेमा जोड दिनुभयो ।

उहाले आगामी निर्वाचनमा सवै वडादेखि तहसम्मको निर्वाचनमा जित हासिल गर्ने गरि अहिलेदेखि नै तयारी गर्न निर्देशन दिनुभयो ।