जनताका आवाज तटस्थ रुपमा आम नागरिकसम्म पुराउन केन्द्रीत हुन महेन्द्र विष्टको आग्रह

पुस,३ काठमाडौँ।  सार्वजनिक सेवा प्रसारण संस्थाका नवनियुक्त कार्यकारी अध्यक्ष डा. महेन्द्र विष्टले जनताका आवाज तटस्थ रुपमा आम नागरिकसम्म पुराउनका लागि केन्द्रीत हुन आग्रह गर्नुभएको छ ।

रेडियो नेपालको कार्यालयमा बुधबार आयोजित स्वागत कार्यक्रममा उहाले रेडियो नेपाल र नेपाल टेलिभिजनलाई राष्ट्रको आवश्यकताका आधारमा एकिकृत गरी सार्वजनिक प्रसारण संस्था बनाइएको भन्दै जनताका आवाज तटस्थ रुपमा आम नागरिकसम्म पुराउनका लागि केन्द्रीत हुन आग्रह गर्नुभएको हो । उहाले समायोजनको प्रक्रिया निकै जटिल संवेदनशील भएकाले बिज्ञहरुको सुझावका आधारमा अघि बढाइने धारणा राख्नुभयो । सार्वजनिक सेवा प्रशारणमा रुपान्तरण हुने क्रममा आउने विभिन्न चुनौतीको सामना गर्दै सबैले आ आफ्नो जिम्मेवारी र दायित्व निर्वाह गर्न उहाले आग्रह गर्नुभयो ।

रेडियो नेपाल र नेपाल टेलिभिजनका प्रमुखहरुले संस्थाको हित हुनेगरी सबैले काम गर्नुपर्नेमा जोड दिएका थिए । कार्यकारी अध्यक्ष डा. विष्टले मंगलबार नै पदभार ग्रहण गर्नुभएको थियो । मङ्सिर २८ गते बसेको मन्त्रीपरिषद्को बैठकले उहलाई सार्वजनिक सेवा प्रसारण संस्थाको कार्यकारी अध्यक्षमा नियुक्त गरेको थियो ।