सहकारी ठगीमा संलग्नहरू पातालमुनि गए पनि प्रतिवेदनले छाड्दैन : सूर्यबहादुर थापा

पुस,२ काठमाडौं। सहकारी संस्था बचत रकम दुरूपयोग सम्बन्धमा संसदीय छानविन विशेष समितिका सभापति सूर्यबहादुर थापा क्षेत्रीले सहकारी ठग जहाँसुकै भएपनि कानुनको दायरामा आउने बताउनुभएको छ ।

मंगलबार काठमाडौंमा आयोजित साक्षात्कारमा उहाले संसदीय विशेष समितिले दिएको प्रतिवेदन अनुसार कारवाही प्रक्रिया अघि बढेको र सहकारी ठग जहाँसुकै भएपनि कानुनको दायरामा आउने बताउनुभएको हो ।

ज्योति गुरुङ अमेरिकामा रहेको आफूहरुले प्रतिवेदनमा पनि उल्लेख गरेको र अहिले सरकारले ज्योति गुरुङसहित ज्योति बहादुर भण्डारीको नाममा समेत रेडकर्नर नोटिस जारी गरिसकेको उहाले बताउनुभयो ।

त्यस्तै, सहकारी ठगी अभियोगमा फरार गितेन्द्रबाबु राईको राहदानीसमेत रोक्का भइसकेको उहाको भनाइ छ । उहाले रवि लामिछानेलाई सरकारले नभएर सोही प्रतिवेदनको आधारमा पक्राउ गरिएको भन्दै न्यायालयको आदेशलाई सवैले स्वीकार गर्नुपर्नेमा जोड दिनुभयो ।

रास्वपाको विरोध प्रदर्शनलाई उहाले अनैतिक, अराजनीतिक र गैरजिम्मेवार कामको संज्ञा दिनुभयो ।