नीजि स्वास्थ्यसंस्थाहरुले जनतालाई केन्द्रबिन्दुमा राखेर काम गर्नुपर्ने : शहरी बिकास मन्त्री

उपप्रधान तथा शहरी बिकास मन्त्री प्रकाशमान सिहले नीजि स्तरबाट खुलेका स्वास्थ्यसंस्थाहरुले जनतालाई केन्द्रबिन्दुमा राखेर काम गर्नुपर्ने बताउनुभएको छ ।

शुक्रबार चितवनको भरतपुरमा नेशनल सिटि अस्पतालको उदघाटन कार्यक्रममा उहाले जनतालाई केन्द्रमा राखि सहज रुपमा सुविधा उपलव्ध गराएर नीजि स्तरबाट खुलेका स्वास्थ्यसंस्थाहरुले काम गर्नुपर्ने बताउनुभएको हो । निजी क्षेत्रवाट खुलेका अस्पतालवाट जनताले गुणस्तरीय सेवा पाउनुका साथै रोजगारी पनि सिर्जना गर्ने उहाले बताउनुभयो ।

त्यस्तै बागमती प्रदेशका स्वास्थ्य मन्त्री किरण थापाले चितवन जिल्लामा बढ्दो शहरीकरणका साथै मेडिकल हवको रुपमा बिकास हुँदै गएको भन्दै व्यवस्थीत गर्नुपर्नेमा जोड दिनुभयो ।

त्यस्तै बागमती प्रदेशका वनमन्त्री कृष्ण प्रसाद सिलवालले निजी क्षेत्रका अस्पतालहरूको लागि जग्गाको समस्या हुने गरेकाले यस बिषयमा उचित निकास निकाल्नुपर्ने धारणा राख्नुभयो ।

नीजि क्षेत्रमा काम गर्दै आएका चिकित्सकहरुले १ सय शैयाको उक्त अस्पताल सञ्चालनमा ल्याएका हुन् । अत्याधुनिक उपकरण र बिशेषज्ञ सेवा रहेको उक्त अस्पतालमा करीब १ अर्व १५ करोड लगानी रहेको बताइएको छ ।