कीर्तिपुरको सभामा कांग्रेस महामन्त्री गगन थापाले हावादारी कुरा गर्नुभयो: अध्यक्ष पुष्पकमल दाहाल

नेकपा माओवादी केन्द्रका अध्यक्ष पुष्पकमल दाहाल प्रचण्डले प्रधानमन्त्री बन्न आफुले कांग्रेस सभापतिलाई आग्रह गरेको गगन थापाको टिप्पणी झुटो भएको स्पष्ट पार्नुभएको छ ।

शनिबार आफ्नै निवास खुमलटारमा आयोजित एक कार्यक्रमपछि सञ्चारकर्मीसंग कुरा गर्दै प्रचण्डले हप्तामा एकपटक कांग्रेस सभापतिलाई प्रधानमन्त्री बनिदिन खबर पठाउने गरेको भन्ने गगन थापाको भनाइ शतप्रतिशत झुटो भएको स्पष्ट पार्नुभएको हो ।

उहाले आफुप्रति लगाएको झुटो आरोपको आत्मसमिक्षा गर्न थापालाई सुझाव समेत दिनुभयो । प्रचण्डले गगन थापासंग युवा नेताको रुपमा आफुले केहि समयअघिसम्म सहकार्य गरेपनि अहिले केहिमहिनाभित्र थापामा आएको परिवर्तन र तल झरेर आफुप्रति गरेको टिप्पणी देख्दा आफुलाई थापा प्रति दया लागेको जिकिर गर्नुभयो । उहाले सरकारबाट बाहिर आएर जनतामा जाँदा नै सहज भएको भन्दै सरकार ८४ सम्म चलाउन कांग्र्र्रेस-एमालेलाइ भनेको धारणा राख्नुभयो ।
त्यस्तै उहाले कीर्तिपुरमा चूनावी अभियानका क्रममा गगन थापाले हावादारी कुरा गरेको समेत बताउनुभयो ।