भोटेकोशी बाढीपीडितका लागि मेची आँखा अस्पतालबाट १२ लाख भन्दा बढी सहयोग

झापा । रसुवाको भोटेकोशी नदीमा आएको विनाशकारी बाढी तथा प्राकृतिक विपद्बाट प्रभावित परिवार तथा समुदायको राहत, उद्धार र पुनः स्थापनामा सहयोग पु¥याउने उद्देश्यले झापाको मेची आँखा अस्पतालले प्रधानमन्त्री दैवी प्रकोप उद्धार कोषमा १२ लाख ३३ हजार ७४७ रुपैयाँ सहयोग गरेको छ ।

मेची आँखा अस्पताल संघका तर्फबाट सात लाख एक हजार १११ रुपैयाँ तथा अस्पतालका कर्मचारीको एक दिनको तलबबापत पाँच लाख ३२ हजार ६३६ रुपैयाँ गरी जम्मा १२ लाख ३३ हजार ७४७ रुपैयाँ सहयोग गरिएको हो ।

अस्पतालका अनुसार विपद्का कारण प्रभावित नागरिकको राहत, उद्धार तथा पुनः स्थापनामा राज्यलाई सहयोग पु¥याउने उद्देश्यले उक्त रकम प्रधानमन्त्री दैवी प्रकोप उद्धार कोषमा जम्मा गरिएको हो । विपद्को समयमा संस्थागत तथा कर्मचारी स्तरबाट समेत सामाजिक उत्तरदायित्व निर्वाह गर्ने उद्देश्यले सहयोग रकम उपलब्ध गराइएको अस्पतालले जनाएको छ ।

सहयोग रकम मेची आँखा अस्पताल संघका अध्यक्ष जलकुमार गुरुङ र मेची आँखा अस्पतालका मेडिकल डाइरेक्टर डा. पुरुषोत्तम जोशीले नेपाल सरकारका अर्थमन्त्री डा. स्वर्णिम वाग्लेलाई हस्तान्तरण गरेका हुन् ।

भोटेकोशी नदीमा आएको बाढीले रसुवाका विभिन्न क्षेत्रमा जनधनको क्षति पु¥याएपछि प्रभावितको उद्धार, राहत तथा पुनः स्थापनाका लागि विभिन्न सरकारी तथा गैरसरकारी संस्था, निजी क्षेत्र, सामाजिक संघसंस्था र सर्वसाधारणबाट सहयोग जुटिरहेको छ । बाढी तथा प्राकृतिक विपद्का कारण प्रभावित परिवारलाई तत्काल राहत उपलब्ध गराउनुका साथै क्षतिग्रस्त संरचनाको पुनः निर्माण र प्रभावित समुदायको पुनः स्थापनामा समेत सहयोग आवश्यक रहेको जनाइएको छ ।

मेची आँखा अस्पतालले यसअघि पनि विभिन्न सामाजिक तथा मानवीय कार्यमा सहयोग गर्दै आएको जनाएको छ । स्वास्थ्य सेवा प्रदान गर्ने संस्थाका रूपमा अस्पतालले विपद् तथा आपत्कालीन अवस्थामा प्रभावित समुदायप्रति सामाजिक उत्तरदायित्व निर्वाह गर्नुपर्ने मान्यताअनुसार कर्मचारी र संस्थाको तर्फबाट सहयोग गरिएको अस्पतालका पदाधिकारीले बताएका छन् ।

अस्पतालका कर्मचारीले आफ्नो एक दिनको तलब बराबरको रकम विपद् प्रभावितका लागि सहयोग गर्नुले मानवीय सेवाप्रतिको प्रतिबद्धता देखाएको अस्पतालले जनाएको छ । संस्थागत रकमसँगै कर्मचारीको व्यक्तिगत योगदानसमेत समेटेर एकमुष्ट रूपमा प्रधानमन्त्री दैवी प्रकोप उद्धार कोषमा रकम हस्तान्तरण गरिएको हो ।

बाढीबाट प्रभावित नागरिकको राहत, उद्धार र पुनः स्थापनाका लागि स्थापना गरिएको कोषमा जम्मा भएको रकम सरकारले विपद् प्रभावित क्षेत्र तथा परिवारको आवश्यकता र प्राथमिकताका आधारमा परिचालन गर्ने व्यवस्था छ । स्थानीयस्तरमा तत्काल उद्धार तथा राहतको आवश्यकता रहेका क्षेत्रसँगै पुनः स्थापनाका दीर्घकालीन काममा समेत सहयोग पु¥याउने उद्देश्यले विभिन्न क्षेत्रबाट कोषमा सहयोग उपलब्ध भइरहेको छ ।

मेची आँखा अस्पतालको सहयोग रकम हस्तान्तरण कार्यक्रममा अस्पतालका प्रतिनिधिले विपद्का कारण समस्यामा परेका नागरिकलाई राहत पु¥याउन सबै क्षेत्रबाट आवश्यक सहयोग र सहकार्य हुनुपर्नेमा जोड दिएका थिए । प्राकृतिक विपद्बाट हुने क्षति तत्कालीन मात्र नभई प्रभावित परिवारको सामाजिक तथा आर्थिक जीवनमा दीर्घकालीन असर पार्ने भएकाले राहतसँगै पुनः स्थापनाका कामलाई समेत प्राथमिकता दिनुपर्ने उनीहरूको भनाइ थियो ।

अस्पतालले आफ्नो संस्थागत सामाजिक उत्तरदायित्वअन्तर्गत गरिएको सहयोगले विपद् प्रभावित परिवारको राहत तथा पुनः स्थापनामा केही भए पनि योगदान पु¥याउने विश्वास व्यक्त गरेको छ ।

रसुवामा आएको बाढीबाट प्रभावित नागरिकका लागि विभिन्न क्षेत्रबाट सहयोग जुटिरहेका बेला झापामा रहेको मेची आँखा अस्पतालले संस्थागत र कर्मचारीको संयुक्त सहभागितामा १२ लाख रुपैयाँभन्दा बढी रकम प्रधानमन्त्री दैवी प्रकोप उद्धार कोषमा उपलब्ध गराएको हो ।