अल्टिमा लाइफस्टाइलको फ्रेन्चाइज शोरुम अब जनकपुरधाममा

काठमाडौं । नेपालमै लोकप्रिय अडियो तथा मोबाइल एक्सेसरिज ब्रान्ड अल्टिमा लाइफस्टाइले आफ्नो तेस्रो फ्रेन्चाइज शोरुम जनकपुरधाममा सञ्चालनमा ल्याएको छ ।

जनकपुरधामको भानु चोकमा स्थापना गरिएको शोरुम र विभिन्न अफरहरूको बारेमा मंगलबार पत्रकार सम्मेलनमार्फत जानकारी गराइएको छ । शोरुमबार आज (बुधबार) आजदेखि औपचारिक रूपमा बिक्री–वितरण सुरु गरिने जनाइएको छ ।

शोरुम उद्घाटनसँगै ग्राहकलाई लक्षित गर्दै विभिन्न आकर्षक अफर सार्वजनिक गरिएको अल्टिमा लाइफस्टाइलका जनरल म्यानेजर प्रज्वल्ल ढकालले जानकारी दिए । उनका अनुसार उद्घाटनको अवसरमा पहिलो ९९ जना ग्राहकलाई अल्टिमा इयरबड्स मात्र ९९ रुपैयाँमा उपलब्ध गराइने विशेष योजना ल्याइएको छ ।

ढकालले अल्टिमा लाइफस्टाइएले गुणस्तरीय अडियो उत्पादन, स्मार्टवाच, नेकब्यान्ड, ब्लुटुथ स्पिकर, चार्जर, डाटा केबल तथा अन्य मोबाइल एक्सेसरिज उचित मूल्यमा उपलब्ध गराउँदै आएको बताए । कम्पनीका सबै आधिकारिक उत्पादनमा कम्पनीको वारेन्टी र ग्यारेन्टी सुविधा रहने भएकाले ग्राहकले विश्वसनीय सेवा प्राप्त गर्ने उनको भनाइ छ ।

उनले जनकपुरधाममा शोरुम सञ्चालनसँगै मधेश प्रदेशका ग्राहकलाई सहज रूपमा आधिकारिक उत्पादन, बिक्रीपछिको सेवा तथा वारेन्टी सुविधा उपलब्ध गराउने उद्देश्य रहेको जानकारी दिए ।

जनकपुरधामस्थित शोरुमको प्रोप्राइटर अमृता साह रहेकी छन् । उनले स्थानीय ग्राहकलाई गुणस्तरीय र आधिकारिक उत्पादन एकै स्थानबाट उपलब्ध गराउने उद्देश्यले फ्रेन्चाइज सञ्चालनमा ल्याइएको बताइन् ।

आगामी दिनमा ग्राहकको आवश्यकताअनुसार नयाँ–नयाँ उत्पादन र सेवासमेत विस्तार गर्दै जाने उनको भनाइ छ ।

अल्टिमा लाइफस्टाइल पछिल्ला केही वर्षयता नेपाली बजारमा तीव्र रूपमा लोकप्रिय बन्दै गएको ब्रान्ड हो । विशेष गरी वायरलेस इयरबड्स, स्मार्टवाच, स्पिकर तथा अन्य स्मार्ट ग्याजेटमार्फत युवा पुस्तामाझ आफ्नो अलग पहिचान बनाउन सफल कम्पनीले देशका विभिन्न सहरमा आफ्नो आधिकारिक बिक्री सञ्जाल विस्तार गरिरहेको छ ।